Бүгінгі аят



БІР САУАЛ



Қоғам қайраткерлерін еске алып, бір минут үнсіздік сақтау шариғатқа қайшы ма?
Сұрақ:

Қоғам қайраткерлерін еске алып, бір минут үнсіздік сақтау шариғатқа қайшы ма? 

Жауап:

بسم الله الرحمن الرحيم الحمد لله رب العالمين و الصلاة و السلام على سيدنا محمد وعلى آله وأصحابه أجمعين ” أما بعد“ Аса мейірімді, ерекше рақымды Алланың атымен бастаймын. Барша мадақ атаулы әлемдердің Раббысы Аллаға тән.

Адамзаттың асылы пайғамбарымыз Мұхаммедке, оның отбасы мен сахабаларына салауат пен сәлем болғай! Ислам діні адам баласын тірі күнінде де қайтыс болғаннан кейін де құрметтеуге шақырады. Ол жайында Алла Тағала: «Расында Біз адам балаларын қадірлі еттік. Оларды құрлықта және теңізде көліктерге мінгіздік және оларға адал ырыздықтар бердік.

Оларды Өзіміз жаратқан көп нәрседен абзал еттік»[1], - дейді Мұсылман кісінің бойынан табылуы тиіс жақсы қасиеттің бірі – өзіне жасаған игілігі үшін алғыс айта білуі. Ол жөнінде хадисте: «Адамдарға алғыс айта алмаған адам Аллаға шүкір ете алмайды»[2], – делінген. 

Сондай-ақ кісінің өзге адамдардың дәрежесіне, пайымдау деңгейіне түсіп, олармен сол деңгейде қарым-қатынас жасауы, ел арасындағы абыройлы тұлғаларға құрмет көрсетуі де мұсылманшылықтың талабы. Ғалымдар мен ел арасында беделі бар жандарға сый көрсетуге шариғат рұқсат еткен. Кейбір ғалымдар мұндай іске «мустахаб» деген үкім берген. Имам Бухари мен имам Муслимнің Сахих жинақтарында Алла елшісі (оған Алланың салауаты мен сәлемі болсын) ансарларға Сағыд ибн Муаз келген сәт орындарынан тұрып, құрмет көрсетулері туралы айтылған.

Осы хадиске түсініктеме берген имам әл-Бәйһәқи: «Ансарлардың Сағыд пен Талхаға сый-құрмет ретінде орындарынан тұрып, құрмет көрсеткендері секілді іске - дінде рұқсат берілген. Құрмет көрсетілген жан, өзін соған қашанда лайық сезінбеуі керек. Құрмет көрсетілмеген жағдайда ренішін білдіруіне немесе шағымдануына болмайды»,[3] – дейді.

Имам Нәуәуи осы хадисті түсіндіріп:  «Алла елшісінің (оған Алланың салауаты мен сәлемі болсын): «Мырзаларыңызға немесе ардақтыларыңызға орындарыңыздан тұрып, құрмет көрсетіңіздер», – деген сөзінен игі адамдар келген сәт адамдардың құрмет ретінде орындарынан тұруының жақсы іс екенін білеміз. Көптеген ғалымдар мұны мұстахаб амал санаған. Мұны құптайтын хадистер көп. Ал ашық тыйым салған еш хабар келген жоқ.

Мұндай хадистер мен ол жайында айтқан ғалымдардың сөздерін жинақтадым және осы жайында (яғни адамдардың бір кісіге құрметпен орындарынан тұру ісіне) тыйым салынған деп ойлаған ғалымдар сөзіне жауап қайтардым»,[4] – дейді. Алайда бұл пікірлер тірі адамдарға құрмет көрсетуге қатысты айтылған. Ал тірі кезінде халқына ардақты болған кісінің дүниеден өткеннен кейін оған құрмет ретінде орыннан тұру да рұқсат екеніне дәлел келген. Бірде Пайғамбардың (оған Алланың салауаты мен сәлемі болсын) қасынан мәйіт көтерген адамдар өтті.

Сол кезде Пайғамбар (оған Алланың салауаты мен сәлемі болсын) орнынан тұрды. Сонда бір сахаба: «Олар бір яһудидің мәйітін алып бара жатыр», – деді. Пайғамбар (оған Алланың салауаты мен сәлемі болсын): «Ол адам емес пе?»[5] – деді. Ибн Хажар «Фатхул Бәри» кітабында: «Пайғамбардың: «Ол адам емес пе?» – деген жауабы әрбір адамның мәйітіне құрмет көрсетуді білдіреді», – дейді. Үкім: Ғалым кісіге, немесе шейіттер рухына немесе еліне пайдасы мол игі адамдарының рухына құрмет ретінде тұрып, бір сәт үнсіздік сақтау шариғатқа қарсы іс емес және ол бидғат саналмайды.


 

[1] «Исра» сүресі, 70-аят.

[2] Имам Тирмизи, имам Ахмад риуаят еткен

[3] Фатхул Бәриден алынды. 11/52

[4] Имам Муслимнің «Сахихына» жазған түсіндірмесі, 12/93

[5] Имам Бухари мен имам Муслимнің сахихтарында келтірілді.  

fatua.kz

ДҰҒАЛАР


 

Dua.jpg 
.
«Дұға» –араб тілінен енген сөз. Ол тілдік жағынан – сұрау, шақыру, қалау, жәрдем өтіну деген мағыналарды береді. Ал терминдік жағынан  Алла тағаланың құдіретінің, ұлылығының алдында құлдың өз әлсіздігін  сезініп, Оған шынайы ниетпен бет бұрып мұң-мұқтажын өтеуге жәрдем, көмек сұрауы дегенді білдіреді.

 

Діни оқу орындары


    
duhovnoe_obrazovanie.jpg

 

Қазіргі таңда Қазақстанда

2300-ге жуық мешіт бар.

Бұл мешіттердің көпшілігінде ислами базалық негізде білім беретін сауат ашу курстары жұмыс істейді.

Сонымен қатар,

діни білім беретін медреселер мен

«Нұр-Мүбарак» университеті, Имамдардың білімін жетілдіру курсы жұмыс істейді.

 

НАМАЗ


 

namaz.jpg
.

Намаз - Исламның екінші бағаны.

Намаз оқу мұсылмандардың Аллаһқа сенуі және сәжде етуі.

Бұл бөлімде Сіз намазды қалай оқу керектігі жайлы толық

мәлімет ала аласыз!

ЗЕКЕТ ҚОРЫ



Пайғамбарымыз  Мұхаммедтің  (с.ғ.с): «Мал-мүліктеріңді зекетпен қорғандар, ауруларыңды садақамен емдеңдер және бәлеге қарсы дұға әзірлеңдер» (2), - деген  хадисі  көп нәрсені аңғартса керек.

 

 

 

Зекет_лого.jpg

Жеті керемет



 

zheti_kere.jpg

Жердің жүзін мекендеген  халықтардың  көбісі  ерте  кезден-ақ жеті  санында  сиқырлық күш бар деп санаса, оны киелі, қасиетті деп ұғатын  да ұлттар бар. Біздің  
ата-бабаларымыз да жеті  санын қастерлеп, бірқатар  таным-түсініктер мен 
жүйелерді жеті санымен   атайды. Бұл бөлімнен әлемнің  әр елінде  кездесетін  7 керемет туралы  мәлімет  ала  аласыз... 

ҚҰРАН ОҚУ КУРСЫ



                                        

kursi006.jpg
 

Тараз қаласы орталық мешітінің жанынан Исламның базалық негіздері бойынша курстар  ашылды. Сабақтар қолайлы графикпен аптасына бірнеше рет жүргізіледі.

 

kursi007.jpg

 

                  Өткізілетін пәндер:

 

Араб әліппесі

Тажуид

Құран

Ақида

Ғибадат

Фиқх

 

 

Қанатты сөз – қазына



МАҚАЛАЛАР

13.12.2014 Ата-анам Исламды қабылдау үшін қандай дұға жасауым керек?
Сұрақ: Мен Исламға үш жылға шамалас уақыт бұрын қайтып оралдым. Алайда, әке-шешем мен ағам әлі мұсылман емес. Содан бері (Исламға келгелі) Алладан оларды тура жолға бастауын сұрап дұға қылып жүрмін. Олар – өте жақсы адамдар. Бірақ, менің не үшін Исламды таңдағанымды түсіне алар емес. Мен әкемнен қатты қорқамын, сондықтан, оған Исламның ақиқат екенін айтуға батылым бармайды. Мен мұны анама түсіндіріп көруге тырыстым, бірақ, біздің (ол жайындағы) әңгімеміз үнемі сөз таластырумен аяқталады. Оларға өз таңдауымды түсіндіру қолымнан келмейді. Бәлкім, Алладан оларды тура жолға бастауын сұрауға арналған арнайы дұға бар шығар? Анамның денсаулығы нашар. Мен оны ойлап қатты уайымдаймын. Жақындарымның Исламды қабылдағанын бар жан-тәніммен қалаймын. Өтінемін, олар үшін дұға қылыңыздаршы және соған арналған қандай да бір дұға бар ма, айтыңыздаршы. Оған қоса, әке-шешем мен ағамның Исламды қабылдауы үшін мен не істей аламын?


Жауабы:


Аса Мейірімді, ерекше Рақымды Алланың атымен. Әссәләмуғалейкум уа рахматуллахи уа баракятух!


Исламдағы қарындасымыз,


Біз сіздің тамаша әрі кемел жол – Ислам дінін таңдағаныңызға өте қуаныштымыз. Алла Тағала сізге кәміл иман беріп, дінде бекем етсін және Исламның ақиқатын әлі қабылдамаған қалған туыстарыңызды тура жолға бастасын.


Отбасыңызға Исламның ақиқатын түсіндіруге тырысуда қиындықтарға кезіккеніңіз және де жақындарыңыз үшін, әсіресе, анаңыз үшін алаңдауыңыз – шынайы мұсылманға тән қасиет әрі иманның белгісі болып табылады. Саңлақ сахабалардың (Алла оларға разы болсын) өміріне көз жүгіртсеңіз, Әбу Хурайра (Алла оған разы болсын) секілді сахабалардың дәл осындай қиындықты бастарынан кешіргенін көріп, таң қаласыз. Мына хадисті қарап көрелік:


حَدَّثَنِي أَبُو هُرَيْرَةَ، قَالَ كُنْتُ أَدْعُو أُمِّي إِلَى الإِسْلاَمِ وَهِيَ مُشْرِكَةٌ فَدَعَوْتُهَا يَوْمًا فَأَسْمَعَتْنِي فِي رَسُولِ اللَّهِ صلى الله عليه وسلم مَا أَكْرَهُ فَأَتَيْتُ رَسُولَ اللَّهِ صلى الله عليه وسلم وَأَنَا أَبْكِي قُلْتُ يَا رَسُولَ اللَّهِ إِنِّي كُنْتُ

أَدْعُو أُمِّي إِلَى الإِسْلاَمِ فَتَأْبَى عَلَىَّ فَدَعَوْتُهَا الْيَوْمَ فَأَسْمَعَتْنِي فِيكَ مَا أَكْرَهُ فَادْعُ اللَّهَ أَنْ يَهْدِيَ أُمَّ أَبِي هُرَيْرَةَ فَقَالَ رَسُولُ اللَّهِ صلى الله عليه وسلم ‏"‏ اللَّهُمَّ اهْدِ أُمَّ أَبِي هُرَيْرَةَ ‏"‏ ‏.‏ فَخَرَجْتُ مُسْتَبْشِرًا بِدَعْوَةِ نَبِيِّ اللَّهِ

صلى الله عليه وسلم فَلَمَّا جِئْتُ فَصِرْتُ إِلَى الْبَابِ فَإِذَا هُوَ مُجَافٌ فَسَمِعَتْ أُمِّي خَشْفَ قَدَمَىَّ فَقَالَتْ مَكَانَكَ يَا أَبَا هُرَيْرَةَ ‏.‏ وَسَمِعْتُ خَضْخَضَةَ الْمَاءِ قَالَ - فَاغْتَسَلَتْ وَلَبِسَتْ دِرْعَهَا وَعَجِلَتْ عَنْ خِمَارِهَا فَفَتَحَتِ الْبَابَ ثُمَّ

قَالَتْ يَا أَبَا هُرَيْرَةَ أَشْهَدُ أَنْ لاَ إِلَهَ إِلاَّ اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ - قَالَ - فَرَجَعْتُ إِلَى رَسُولِ اللَّهِ صلى الله عليه وسلم فَأَتَيْتُهُ وَأَنَا أَبْكِي مِنَ الْفَرَحِ - قَالَ - قُلْتُ يَا رَسُولَ اللَّهِ أَبْشِرْ قَدِ اسْتَجَابَ اللَّهُ

دَعْوَتَكَ وَهَدَى أُمَّ أَبِي هُرَيْرَةَ ‏.‏ فَحَمِدَ اللَّهَ وَأَثْنَى عَلَيْهِ وَقَالَ خَيْرًا - قَالَ - قُلْتُ يَا رَسُولَ اللَّهِ ادْعُ اللَّهَ أَنْ يُحَبِّبَنِي أَنَا وَأُمِّي إِلَى عِبَادِهِ الْمُؤْمِنِينَ وَيُحَبِّبَهُمْ إِلَيْنَا - قَالَ - فَقَالَ رَسُولُ اللَّهِ صلى الله عليه وسلم ‏"

اللَّهُمَّ حَبِّبْ عُبَيْدَكَ هَذَا - يَعْنِي أَبَا هُرَيْرَةَ وَأُمَّهُ - إِلَى عِبَادِكَ الْمُؤْمِنِينَ وَحَبِّبْ إِلَيْهِمُ الْمُؤْمِنِينَ ‏"‏ ‏.‏ فَمَا خُلِقَ مُؤْمِنٌ يَسْمَعُ بِي وَلاَ يَرَانِي إِلاَّ أَحَبَّنِي


Әбу Хурайра (Алла оған разы болсын) былай баяндайды:


«Мен пұтқа табынатын анамды ұзақ уақыт Исламға шақырумен болдым. Бірде мен оны тағы да дінге үндегенімде, ол маған Алла Елшісі (оған Алланың игілігі мен сәлемі болсын) жайлы сорақы сөздер айтты.


Сонда Алла Елшісінің (оған Алланың игілігі мен сәлемі болсын) алдына жылап бардым да: «Ей, Алланың Елшісі! Мен анамды осы кезге дейін Исламға шақырып келген едім. Бірақ, ол менің сөздеріме құлақ аспайтын. Бүгін де оған үндеу айтып едім, ол менің жүрегімді ауыртатын сөздер айтты. Алладан Әбу Хурайраның анасын тура жолға  салуын сұрап дұға қылшы», - дедім. Сол кезде Алла Елшісі (оған Алланың игілігі мен сәлемі болсын) былай деді: «Я, Алла! Әбу Хурайраның анасын тура жолға бастай гөр!».


Содан соң мен Алла Елшісінің (оған Алланың игілігі мен сәлемі болсын) дұғасына дән риза күйде үйге қайттым. Үйге келіп, есікті тартып қарасам, ішінен кілттеулі екен. Анам менің келгенімді естіді де: «Әбу Хурайра, күте тұр», - деді. Сол кезде аққан судың дыбысын естідім. Ол шомылып жатқан екен. Аз ғана уақыттан соң үстіне көйлек жамылып, жылдам басын орады да, есікті ашып: «Әбу Хурайра, мен Алладан басқа тәңір жоқ екеніне және Мұхаммедтің Оның құлы әрі Елшісі екеніне куәлік етемін», - деді».


Әбу Хурайра сөзін былай жалғастырады: «Мен Алла Елшісінің (оған Алланың игілігі мен сәлемі болсын) алдына қуанғаннан көз жасымды тыя алмай қайтып бардым да: «Ей, Алла Елшісі, Алла Тағала сенің дұғаңды қабыл алып, Әбу Хурайраның анасын тура жолға салды!» - дедім. Ол (Алланың Елшісі, оған Алланың игілігі мен сәлемі болсын) Аллаға мадақ айтып, Оны дәріптеді.


Мен: «Ей, Алла Елшісі, Алладан біздің көңілімізде Оның мүмін құлдарына деген сүйіспеншілікті тудырып, жүрегімізді сол махаббатқа (мұсылмандарға деген) толтыруын сұрап, дұға қылшы», - деп сұрадым. Сол кезде Алланың Пайғамбары (оған Алланың игілігі мен сәлемі болсын) былай деді: «Я, Алла, Сенің құлдарыңның жүрегінде осы құлдарыңа (Әбу Хурайра мен оның анасына) деген сүйіспеншілік орнап, олардың да жүректері мұсылмандарға деген махаббатқа толы болсын». Содан соң Әбу Хурайра: «Бұл дұғаны Алланың қабыл алғаны соншалық, мұсылман адамдардың арасында мен жайлы естіп, мені көргеннен кейін мені жақсы көрмеген бірде-бір жан болмады». (Муслим, 2491) (1)


Хадистен белгілі болғандай, Алланың пайғамбары (оған Алланың игілігі мен сәлемі болсын) Әбу Хурайраның анасы үшін мына дұғаны жасаған:

(اللَّهُمَّ اهْدِ أُمَّ أَبِي هُرَيْرَةَ) (Аллоһумма иһди умма Аби Һурайра) «Я, Алла, Әбу Хурайраның анасын тура жолға бастай гөр». 

Демек, сіз де отбасыңыздағы әрбір адам үшін осындай дұға жасасаңыз болады.


Дұға қылумен қатар, Исламның әмірлерін орындап, отбасыңызға үлгі бола біліңіз. Сонда оларға көркем мінездің өнегесін көрсету арқылы жүректерінен орын таба аласыз. Көркем мінез Алла Елшісіне (оған Алланың игілігі мен сәлемі болсын) тән басты қасиет болған. Хадисте былай делінген:


عَنْ أَبِي الدَّرْدَاءِ، أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ: «مَا شَيْءٌ أَثْقَلُ فِي مِيزَانِ المُؤْمِنِ يَوْمَ القِيَامَةِ مِنْ خُلُقٍ حَسَنٍ، وَإِنَّ اللَّهَ لَيُبْغِضُ الفَاحِشَ البَذِيءَ


«Қияметте амалдар өлшенгенде мұсылман үшін таразыны ауыр басатын бірден-бір амал – көркем мінез. Расында, Алла Тағаланың алдында ғайбат айтушылар мен өнегесіздер жиіркенішті» (Тирмизи, 2, 20-бет, Кадими).


Ең дұрысын Алла біледі.

Исмаил Давуджи, Даруль-Ифта студенті, Замбия,

Мүфти Ибрагим Десаи тексеріп, мақұлдаған.



معجم الكبير لطبراني-76 المكتب الإسلامي) [1

مسند احمد-8259مؤسسة الرسالة)

مستدرك للحاكم-4240دار الكتب العلمية

____________________ 

Орыс тілінен аударған Azan.kz


Басқы бетке

Войти

Бүгінгі хадис



ҚАСИЕТТІ УАҚЫТТАР



.
/pic/news mesquite/0lhd.jpg
 

Намаз уақыты




( 25 сәуір, 2017 жыл )

Таң 4:49
Күннің шығуы 6:14
Бесін 13:16
Екінті 18:08
Ақшам 20:12
Құптан 21:37
   
Қазір: Таң
Жергілікті уақыт 12:33
Бесінге дейін 0:43

Намаз кестесін жүктеу

Бір айға     Бір жылға

ФОТОГАЛЕРЕЯ


 

 ../pic/img/maulit1.jpg

 

meshit_gl.jpg

 

kurban_gl.jpg

 

final_gl.jpg

 

 


 

 

                 

 

 

 

 

 

 

 

ДІНИ ФИЛЬМДЕР


                                                                                                                           
Умар Бин Аль-Хаттаб
Умар Бин Аль-Хаттаб 
 
 Халид ибн Валид
                                                                                        Халид ибн Валид 

БAҒДАРЛАМАЛАР


 

 

 /pic/news mesquite/cvQAo.jpg

Азан бағдарламасы - күніне  бес рет намаз уақыттарында арнайы  ойнатқыш арқылы дыбысталатын бағдарлама. Сіз өзіңіз орналасқан қаланы таңдасаңыз, бұл бағдарлама автоматты түрде намаз уақытын білдіріп, азан дыбысталады..

 

/pic/news mesquite/G8D4Y.jpg

 

Намаз оқу адамның ішкі (ниет) және сыртқы (дәрет) тазалығын талап етеді. Дәрет - негізінде дененің ең көп кірленетін мүшелерін тазалауды көздеген Исламдағы маңызды ғибадат..

 

ӨМІРДІҢ ҮЗІК СЫРЛАРЫ